9. mars 2010 - kl. 10:09
Samkvæmt nýjustu tölum um atvinnuleysi virðist atvinnuleysi í Þingeyjarsýslum vera á niðurleið. Í gær voru samtals 1300 manns atvinnulausir á Norðurlandi eystra. Þar af voru 189 skráðir í atvinnuleit á félagssvæði stéttarfélaganna í Þingeyjarsýslum. Þeir voru yfir 200 fyrir nokkru síðan.
>> lesa meira
9. mars 2010 - kl. 09:32
Um helgina fóru fulltrúar Framsýnar í vinnustaðaheimsókn í Merki og Hallgilsstaði í Fnjóskadal en Merki er í landi Hallgilsstaða. Á tröppunum á Merki tók Ósk Helgadóttir húsfrú á móti hópnum og bauð til stofu þar sem nýlagað kaffi og bakkelsi var á boðstólnum.
>> lesa meira
8. mars 2010 - kl. 13:22
Þjóðaratkvæðagreiðslan: Fyrirsjáanleg niðurstaða
Markaðir hafa tekið niðurstöðu þjóðaratkvæðagreiðslunnar á laugardag fálega enda var niðurstaðan algjörlega í takti við væntingar og kom engum á óvart. Niðurstaðan var afgerandi: 93% þeirra sem kusu sögðu nei og því geta Icesave samningarnir frá júní og október ekki tekið gildi. Icesave er því eftir sem áður óútkljáð viðfangsefni en kastljósið beinist nú aftur að samningaborðinu.
>> lesa meira
5. mars 2010 - kl. 15:56
Mottu-mars á skrifstofu stéttarfélaganna!
Mottu-mars er yfirskrift mánaðarlegs átaks Krabbameinsfélags Íslands um karlmenn og krabbamein sem hófst formlega 1. mars. Starfsmenn skrifstofu stéttarfélaganna hafa ákveðið að taka virkan þátt í átakinu með því að leyfa skeggvexti efri varar að hafa visst frjálsræði út marsmánuð. Jónína verður þó ekki þvinguð til að taka þátt í verkefninu.
>> lesa meira
5. mars 2010 - kl. 11:01
Fulltrúaráð stéttarfélaganna fundar
Fulltrúaráð stéttarfélaganna í Þingeyjarsýslum fundaði í gær um málefni skrifstofu stéttarfélaganna. Í ráðinu sitja fulltrúar allra stéttarfélaganna sem eiga aðild að skrifstofunni, þ.e. Framsýn, Þingiðn og Starfsmannafélag Húsavíkur. Á fundinum kom fram að rekstur skrifstofunnar hefði gengið vel árið 2009 en reksturinn fór 0,15% fram úr áætlun.
>> lesa meira
5. mars 2010 - kl. 09:36
Fundað um hátíðarhöldin 1. maí
1. maínefnd stéttarfélaganna fundaði í gær. Til stendur að bjóða upp á veglega dagskrá á baráttudegi verkafólks þann 1. maí.
>> lesa meira
Tilkynningar
8. mars 2010 - kl. 08:22
Ræða formanns Austurvelli
Austurvöllur 1. hluti
Austurvöllur 2. hluti
Formaður Framsýnar í Silfri Egils
3. mars 2010 - kl. 12:13
Framsýn fundar 10. mars.
Fundur verður í stjórn og trúnaðarmannaráði Framsýnar miðvikudaginn 10. mars kl. 17:30 í fundarsal félagsins.
Dagskrá:
1. Fundargerð síðasta fundar
2. Inntaka nýrra félaga
3. Fjárhagsáætlun Skrifstofu stéttarfélaganna
4. Breytingar á fundaraðstöðu
5. Fundur um skipulagsmál ASI
6. Fundur um lífeyrissjóðsmál á vegum ASÍ
7. Fundur með atvinnuleitendum í N-Þing
8. Tímasetning aðalfundar
9. Mótmælafundur á Austurvelli
10. Orlofskostir sumarið 2010
11. Þjóðfundur á Akureyri
12. Heimsókn frá AOF í Noregi
13. Önnur mál
2. mars 2010 - kl. 15:45
Trúnaðarmannanámskeið í apríl
Við ætlum að halda áfram metnaðarfullri trúnaðarmannafræðslu á vegum Framsýnar. Næsta námskeið verður haldið á Illugastöðum 15 og 16. apríl í samstarfi við Félagsmálaskóla alþýðu. Reiknað er með að menn gisti eina nótt nema þeir sem koma lengra að. Þeim stendur til boða að gista tvær nætur.
Við munum byggja námskeiðið upp með skemmtilegum fyrirlestrum og hópavinnu auk þess sem við munum fara í óvissuferð um Fnjóskadalinn undir leiðsögn huldumanna úr dalnum.
Skráning á námskeiðið er hafin á Skrifstofu stéttarfélaganna. Mikilvægt er að sem flestir trúnaðarmenn skrái sig á námskeiðið. Skráning stendur yfir til 20. mars 2010.
Endilega hafið samband ef frekari upplýsingar vantar.
12. febrúar 2010 - kl. 12:02
Skólastjórnendur athugið
Að venju vilja stéttarfélögin bjóða grunnskólum í Þingeyjarsýslum upp á fræðslu um markmið og tilgang stéttarfélaga. Félögin hafa í gegnum tíðina átt mjög gott samstarf við grunnskólana á félagssvæðinu og komið nokkuð reglulega í heimsóknir.
Fræðslan sem við bjóðum upp á er ætluð nemendum í 10. bekk og neðar óski skólarnir eftir því.
Ef þið hafið áhuga fyrir því að fá okkur í heimsókn í vetur eða vor, vinsamlegast hafið þá samband við Skrifstofu stéttarfélaganna þegar ykkur hentar.
6. janúar 2010 - kl. 11:02
15% afsláttur í Jarðböðin
Samkvæmt samkomulagi eiga félagsmenn stéttarfélaganna í Þingeyjarsýslum rétt á 15% afslætti fari þeir í Jarðböðin í Mývatnssveit. Áður er farið er, þurfa félagsmenn að koma við á Skrifstofu stéttarfélaganna og fá sérstök afsláttarkort. Góða skemmtun.
11. nóvember 2009 - kl. 09:31
Orlofsíbúð í boði á Akureyri
Framsýn hefur gengið frá samkomulagi við Verkalýðsfélag Akranes um afnot af orlofsíbúð sem er í eigu félagsins á Akureyri fyrir félagsmenn stéttarfélaganna í Þingeyjarsýslum. Samkomulagið gildir í vetur. Íbúðin er í Furulundi 8 og er endaíbúð á efri hæð. Hægt er að fá leigðar stakar nætur eða í lengri tíma. Það eru bara helgarnar sem leigjast út í heilu lagi. Vikuleigan er kr. 16.000. Helgarleigan (frá kl. 16:00 á föstudegi til kl. 14:00 á mánudegi) er kr. 10.000,-. Íbúðin er 53 fm, 2 svefnherbergi, stofa, eldhús og baðherbergi með sturtu. Svefnpláss er fyrir 4 í herbergjunum og hægt er að fá gestarúm og barnarúm. Sængur og koddar eru fyrir 6 manns. Gasgrill er á svölum. Í íbúðinni er þvottavél. Lyklar eru afhentir hjá Securitas, Tryggvabraut, Akureyri gegn framvísun leigusamnings. Áhugasömum er beint á að hafa samband við Skrifstofu stéttarfélaganna. Með þessu samkomulagi við Verkalýðsfélag Akraness er Framsýn að bæta enn frekar þjónustuna við félagsmenn. Það er jú markmiðið.
17. september 2009 - kl. 07:53
Íbúðir á Akureyri í boði fyrir félagsmenn
Stéttarfélögin hafa samið um aðgengi að tveimur íbúðum á Akureyri fyrir félagsmenn. Íbúðirnar eru í Hrísalundi. Nánari upplýsingar og leiguverð er á þessari slóð. http://lyngholt.is/ Þar er einnig hægt að bóka sig. Þá gefur Karen Rut Konráðsdóttir frekari upplýsingar í síma 468-1239 eða 897-5064.
2. maí 2007 - kl. 08:17
Góður afsláttur fyrir félagsmenn hjá Frumherja
Stéttarfélögin í Þingeyjarsýslum eru með samning við Frumherja um að veita félagsmönnum 15% afslátt af reglubundinni skylduskoðun ökutækja á þeirra vegum. Afslátturinn fæst gegn staðfestingu á því að þeir séu félagsmenn. Áður en að félagsmenn láta skoða sína bíla þurfa þeir að koma við á Skrifstofu stéttarfélaganna og fá vottorð um að þeir séu fullgildir félagsmenn. Þessi afsláttur gildir einnig fyrir félagsmenn í Verkalýðsfélagi Þórshafnar sem geta nálgast frekari upplýsingar á skrifstofu félagsins á Þórshöfn.
7. mars 2007 - kl. 09:42
Miðar í Hvalfjarðargöng til sölu
Stéttarfélögin hafa til sölu miða í Hvalfjarðargöngin fyrir félagsmenn. Verðið per. miða er kr. 500,-. Félagsmenn í Verkalýðsfélagi Þórshafnar fá miðana á sama verði hjá skrifstofu félagsins á Þórshöfn.