13. maí 2010 - kl. 18:36
Formanni boðið í heimsókn í Toppfisk í Reykjavík
Fyrir nokkrum dögum síðan þáði Aðalsteinn Á. Baldursson formaður Framsýnar boð forsvarsmanna Toppfisks í Reykjavík um að koma í heimsókn og kynna sér starfsemi fyrirtækisins. Auk þess vildu forsvarsmenn fyrirtækisins ræða fiskveiðilöggjöfina og aðgengi vinnsluhúsa að hráefni sem ekki eiga kvóta.
Toppfiskur er með öflugri fiskvinnslufyrirtækjum á Íslandi og verkar þúsundir tonna á hverju ári sem þeir kaupa að mestu á mörkuðum enda fyrirtækið ekki í útgerð. Um 120 starfsmenn starfa hjá Toppfiski en fyrirtækið er með starfsemi í Reykjavík og á Bakkafirði. Toppfiskur er fjölskyldufyrirtæki og hefur verið starfræktur frá árinu 1979. Vinnsluhúsið í Reykjavík er 2500 fm og er búið fullkomnasta vinnslukerfisbúnaði sem völ er á til að fullvinna hráefni með sem skjótustum hætti í gegnum vinnsluna. Fyrirtækið framleiðir ferskan og frosinn þorsk og ýsu til útflutnings. Toppfiskur gerir miklar gæðakröfur og vinnur aðeins úr fyrsta flokks hráefni. Fyrirtækið viðheldur gæðum með notkun á fullkomnu krapakerfi og notar aðeins bestu viðurkenndu umbúðir sem viðhalda kælingu hráefnisins. Áratuga reynsla í vinnslu á fiskafurðum hefur skilað sér í traustum viðskiptavinum innanlands sem utan.
Aðalsteini var boðið í heimsókn í eitt öflugasta fiskvinnslufyrirtæki landsins. Þar tóku á móti honum Jón Steinn Elíasson eigandi og framkvæmdastjóri Toppfisks og Elín Björg Ragnarsdóttir framkvæmdastjóri SFÚ. Að sögn Aðalsteins var hann ánægður með heimsóknina.
<< til baka
Tilkynningar
24. ágúst 2010 - kl. 13:32
Vinnustaðaskírteini
Þann 15. ágúst 2010 tók gildi samkomulag ASÍ og SA um vinnustaðaskírteini og eftirlit á vinnustöðum.
Markmið samkomulagsins er að tryggja að allir atvinnurekendur og starfsmenn þeirra fari að gildandi lögum, reglugerðum og kjarasamningum.
MEIRA
1. júní 2010 - kl. 14:05
Opnunartími í sumar
Frá 1. júní verður Skrifstofa stéttarfélaganna opin frá kl. 08:00 til 16:00 alla virka daga. Þessi opnunartími gildir til 31. ágúst 2010.
19. maí 2010 - kl. 09:28
Orlofsuppbót 2010
Full orlofsuppbót árið 2010 er kr. 25.800,-
Gildir almennt fyrir félaga í Framsýn, Þingiðn og Starfsmannafélagi Húsavíkur.
Full orlofsuppbót félaga í deild verslunar- og skrifstofufólks innan Framsýnar er kr. 19.500,-
Misjafnt er á milli kjarasamninga hvenær greiða skal orlofsuppbótina og með hvaða hætti hún er reiknuð út fyrir þá sem eru í hlutastörfum eða hafa starfað hluta úr ári. Nánari upplýsingar eru gefnar á Skrifstofu stéttarfélaganna í síma: 464-6600.
12. febrúar 2010 - kl. 12:02
Skólastjórnendur athugið
Að venju vilja stéttarfélögin bjóða grunnskólum í Þingeyjarsýslum upp á fræðslu um markmið og tilgang stéttarfélaga. Félögin hafa í gegnum tíðina átt mjög gott samstarf við grunnskólana á félagssvæðinu og komið nokkuð reglulega í heimsóknir.
Fræðslan sem við bjóðum upp á er ætluð nemendum í 10. bekk og neðar óski skólarnir eftir því.
Ef þið hafið áhuga fyrir því að fá okkur í heimsókn í vetur eða vor, vinsamlegast hafið þá samband við Skrifstofu stéttarfélaganna þegar ykkur hentar.
6. janúar 2010 - kl. 11:02
15% afsláttur í Jarðböðin
Samkvæmt samkomulagi eiga félagsmenn stéttarfélaganna í Þingeyjarsýslum rétt á 15% afslætti fari þeir í Jarðböðin í Mývatnssveit. Áður er farið er, þurfa félagsmenn að koma við á Skrifstofu stéttarfélaganna og fá sérstök afsláttarkort. Góða skemmtun.
17. september 2009 - kl. 07:53
Íbúðir á Akureyri í boði fyrir félagsmenn
Stéttarfélögin hafa samið um aðgengi að tveimur íbúðum á Akureyri fyrir félagsmenn. Íbúðirnar eru í Hrísalundi. Nánari upplýsingar og leiguverð er á þessari slóð. http://lyngholt.is/ Þar er einnig hægt að bóka sig. Þá gefur Karen Rut Konráðsdóttir frekari upplýsingar í síma 468-1239 eða 897-5064.
2. maí 2007 - kl. 08:17
Góður afsláttur fyrir félagsmenn hjá Frumherja
Stéttarfélögin í Þingeyjarsýslum eru með samning við Frumherja um að veita félagsmönnum 15% afslátt af reglubundinni skylduskoðun ökutækja á þeirra vegum. Afslátturinn fæst gegn staðfestingu á því að þeir séu félagsmenn. Áður en að félagsmenn láta skoða sína bíla þurfa þeir að koma við á Skrifstofu stéttarfélaganna og fá vottorð um að þeir séu fullgildir félagsmenn. Þessi afsláttur gildir einnig fyrir félagsmenn í Verkalýðsfélagi Þórshafnar sem geta nálgast frekari upplýsingar á skrifstofu félagsins á Þórshöfn.
7. mars 2007 - kl. 09:42
Miðar í Hvalfjarðargöng til sölu
Stéttarfélögin hafa til sölu miða í Hvalfjarðargöngin fyrir félagsmenn. Verðið per. miða er kr. 600,-. Félagsmenn í Verkalýðsfélagi Þórshafnar fá miðana á sama verði hjá skrifstofu félagsins á Þórshöfn.