24. júní 2010 - kl. 18:25
Stóruvellir ehf. og Handverkskonur heiðraðar
Aðalfundur Atvinnuþróunarfélags Þingeyinga var haldinn á Hótel Eddu að Stórutjörnum í gær.
Stjórnarformaður, Sigurgeir Höskuldsson fór yfir skýrslu stjórnar sem lögð var fram á fundinum, en hún er einnig aðgengileg á vef Atvinnuþróunarfélagsins. Í máli sínu vék formaður að breytinum sem orðið hafa á verksviði félagsins, ræddi erfiðan rekstur félagsins og hvernig núverandi þjóðfélagsaðstæður þrengja enn frekar að honum. Þá gerði hann grein fyrir samstarfi félagsins við ýmsa aðra hluta stoðkerfisins sem yfirleitt er með ágætum og ræddi síðan nauðsyn þess að ráðast í stefnumótun fyrir félagið svo það geti eflst og þróast með æskilegum hætti. Veik grunnfjármögnun félagsins og breytt verkefnastaða kalla á slíka endurskoðun en ekki síður ákveðin skörun sem orðin er við starfsemi Nýsköpunarmiðstöðvar og áform stjórnvalda um endurskipulagningu stoðkerfis atvinnulífsins.
Framkvæmdastjóri, Reinhard Reynisson gerði grein fyrir helstu niðurstöðum í ársreikningi félagsins sem lagður hafði verið fyrir fulltrúa hluthafa og voru þeir samþykktir. Auk annarra hefðbundinna aðalfundarstarfa voru á fundinum samþykktar tillögur sem lúta að breytingum á hlutafé félagsins.
Fyrir fundinum lá tillaga að nýrri stjórn og var hún samþykkt einróma með lófataki. Eina breytingin á stjórn var sú að Björn Víkingur Björnsson tók sæti í stjórn í stað Birnu Björnsdóttur sem ekki gaf kost á sér til áframhaldandi stjórnarsetu. Strax að loknum aðalfundi kom stjórnin saman til fyrsta fundar og skipti með sér verkum og er ný stjórn því þannig skipuð: Í aðalstjórn eru Sigurgeir Höskuldsson (formaður), Margrét Bjarnadóttir (varaformaður), Björn Víkingur Björnsson (ritari), Aðalsteinn Baldursson og Pétur Snæbjörnsson. Til vara eru Guðmundur Guðmundsson og Gunnólfur Lárusson.
Að lokunu kaffihléi voru svo árleg hvatningarverðlaun félagsins veitt og að því búnu var haldið málþing sem bar yfirskriftina Samgöngur og samkeppnishæfni. Frummælendur voru Trausti Valsson, prófessor við Verkfræði- og náttúruvísindasvið HÍ og Pétur Snæbjörnsson hótelstjóri Hótel Reynihlíðar. Bæði erindin voru áhugasöm.
Varðandi Hvatningaverðlaunin, þá fengu Stóruvellir ehf. viðurkenningu
fyrir frumkvæði og þrautseigju við uppbyggingu
framleiðslustarfsemi sem byggir á nýtingu innlendra landbúnaðarafurða. Þá fengu handverkskonur milli heiða einnig viðurkenningu
fyrir öflugt félagsstarf sem örvað hefur
framleiðslustarfsemi félagsmanna og gert hana
að mikilvægum þætti í atvinnulífi héraðsins. Stéttarfélögin óska þessum framtakssömu aðilum til hamingju með viðurkenninguna.
Ný stjórn Atvinnuþróunarfélags Þingeyinga.
Frá aðalfundi Atvinnuþróunarfélagsins.
Hlustað á fróðleg erindi á málþinginu. Margrét, Birna, Reinhard og Ólína.
Nokkrar frábærar hugmyndir komu fram á málþinginu. Meðal annars þessi um mikilvægi þess að fá göng undir Eyjafjörð.
<< til baka
Tilkynningar
24. ágúst 2010 - kl. 13:32
Vinnustaðaskírteini
Þann 15. ágúst 2010 tók gildi samkomulag ASÍ og SA um vinnustaðaskírteini og eftirlit á vinnustöðum.
Markmið samkomulagsins er að tryggja að allir atvinnurekendur og starfsmenn þeirra fari að gildandi lögum, reglugerðum og kjarasamningum.
MEIRA
1. júní 2010 - kl. 14:05
Opnunartími í sumar
Frá 1. júní verður Skrifstofa stéttarfélaganna opin frá kl. 08:00 til 16:00 alla virka daga. Þessi opnunartími gildir til 31. ágúst 2010.
19. maí 2010 - kl. 09:28
Orlofsuppbót 2010
Full orlofsuppbót árið 2010 er kr. 25.800,-
Gildir almennt fyrir félaga í Framsýn, Þingiðn og Starfsmannafélagi Húsavíkur.
Full orlofsuppbót félaga í deild verslunar- og skrifstofufólks innan Framsýnar er kr. 19.500,-
Misjafnt er á milli kjarasamninga hvenær greiða skal orlofsuppbótina og með hvaða hætti hún er reiknuð út fyrir þá sem eru í hlutastörfum eða hafa starfað hluta úr ári. Nánari upplýsingar eru gefnar á Skrifstofu stéttarfélaganna í síma: 464-6600.
12. febrúar 2010 - kl. 12:02
Skólastjórnendur athugið
Að venju vilja stéttarfélögin bjóða grunnskólum í Þingeyjarsýslum upp á fræðslu um markmið og tilgang stéttarfélaga. Félögin hafa í gegnum tíðina átt mjög gott samstarf við grunnskólana á félagssvæðinu og komið nokkuð reglulega í heimsóknir.
Fræðslan sem við bjóðum upp á er ætluð nemendum í 10. bekk og neðar óski skólarnir eftir því.
Ef þið hafið áhuga fyrir því að fá okkur í heimsókn í vetur eða vor, vinsamlegast hafið þá samband við Skrifstofu stéttarfélaganna þegar ykkur hentar.
6. janúar 2010 - kl. 11:02
15% afsláttur í Jarðböðin
Samkvæmt samkomulagi eiga félagsmenn stéttarfélaganna í Þingeyjarsýslum rétt á 15% afslætti fari þeir í Jarðböðin í Mývatnssveit. Áður er farið er, þurfa félagsmenn að koma við á Skrifstofu stéttarfélaganna og fá sérstök afsláttarkort. Góða skemmtun.
17. september 2009 - kl. 07:53
Íbúðir á Akureyri í boði fyrir félagsmenn
Stéttarfélögin hafa samið um aðgengi að tveimur íbúðum á Akureyri fyrir félagsmenn. Íbúðirnar eru í Hrísalundi. Nánari upplýsingar og leiguverð er á þessari slóð. http://lyngholt.is/ Þar er einnig hægt að bóka sig. Þá gefur Karen Rut Konráðsdóttir frekari upplýsingar í síma 468-1239 eða 897-5064.
2. maí 2007 - kl. 08:17
Góður afsláttur fyrir félagsmenn hjá Frumherja
Stéttarfélögin í Þingeyjarsýslum eru með samning við Frumherja um að veita félagsmönnum 15% afslátt af reglubundinni skylduskoðun ökutækja á þeirra vegum. Afslátturinn fæst gegn staðfestingu á því að þeir séu félagsmenn. Áður en að félagsmenn láta skoða sína bíla þurfa þeir að koma við á Skrifstofu stéttarfélaganna og fá vottorð um að þeir séu fullgildir félagsmenn. Þessi afsláttur gildir einnig fyrir félagsmenn í Verkalýðsfélagi Þórshafnar sem geta nálgast frekari upplýsingar á skrifstofu félagsins á Þórshöfn.
7. mars 2007 - kl. 09:42
Miðar í Hvalfjarðargöng til sölu
Stéttarfélögin hafa til sölu miða í Hvalfjarðargöngin fyrir félagsmenn. Verðið per. miða er kr. 600,-. Félagsmenn í Verkalýðsfélagi Þórshafnar fá miðana á sama verði hjá skrifstofu félagsins á Þórshöfn.