12. júlí 2010 - kl. 12:28
Sáttanefndin en að störfum
Undanfarna mánuði hefur starfshópur um endurskoðun fiskveiðilöggjafarinnar verið að störfum á vegum sjávarútvegsráðherra. Formaður Framsýnar, Aðalsteinn Árni Baldursson situr í hópnum f.h. Starfsgreinasambands Íslands. Í samstarfslýsingu ríkistjórnar Samfylkingar og VG stendur m.a. að starfshópnum sé ætlað:
„Að leggja grunn að innköllun og endurráðstöfun aflaheimilda á 20 ára tímabili í samræmi við stefnu beggja flokka. Endurskoðunin mun verða unnin í samraði við hagsmunaaðila í sjávarútvegi og miðað við að áætlunin um innköllun og endurráðstöfun taki gildi í upphafi fiskveiðiárs 1. september 2010.“
Eitt af verkefnum starfshópsins er að fara yfir mögulegar leiðir í þessum efnum. Komi til þess að samþykkt verði að hefja innköllun veiðiheimilda er ljóst að það mun ekki ganga eftir í haust eins og stefnt var að. Að sögn Aðalsteins hefur vinnan gengið nokkuð vel en frægt var þegar LÍÚ og Samtök fiskvinnslustöðva ákváðu að draga sína fulltrúa út úr hópnum sem skipaður er fulltrúum hagsmunaaðila í sjávarútvegi. Þeir hafa nú, nokkrum mánuðum síðar, ákveðið að koma inn aftur og taka þátt í störfum starfshópsins. Ekki er ólíklegt að það muni seinka því að niðurstaða fáist í þetta mikilvæga mál. Undanfarnar vikur hefur hópurinn haldið tvo vinnufundi í hverri viku, það er á þriðjudögum og fimmtudögum. Næsti fundur starfshópsins er á morgun. Aðalsteinn telur mikilægt að starfshópurinn skili frá sér endanlegum tillögum til stjórnvalda í þessum mánuði.
Það hefur mikið mælt á formanni Framsýnar sem er fulltrúi SGS í sáttanefndinni sem skipuð var af Sjávarútvegsráðherra til að endurskoða fiskveiðilöggjöfina.
<< til baka
Tilkynningar
24. ágúst 2010 - kl. 13:32
Vinnustaðaskírteini
Þann 15. ágúst 2010 tók gildi samkomulag ASÍ og SA um vinnustaðaskírteini og eftirlit á vinnustöðum.
Markmið samkomulagsins er að tryggja að allir atvinnurekendur og starfsmenn þeirra fari að gildandi lögum, reglugerðum og kjarasamningum.
MEIRA
1. júní 2010 - kl. 14:05
Opnunartími í sumar
Frá 1. júní verður Skrifstofa stéttarfélaganna opin frá kl. 08:00 til 16:00 alla virka daga. Þessi opnunartími gildir til 31. ágúst 2010.
19. maí 2010 - kl. 09:28
Orlofsuppbót 2010
Full orlofsuppbót árið 2010 er kr. 25.800,-
Gildir almennt fyrir félaga í Framsýn, Þingiðn og Starfsmannafélagi Húsavíkur.
Full orlofsuppbót félaga í deild verslunar- og skrifstofufólks innan Framsýnar er kr. 19.500,-
Misjafnt er á milli kjarasamninga hvenær greiða skal orlofsuppbótina og með hvaða hætti hún er reiknuð út fyrir þá sem eru í hlutastörfum eða hafa starfað hluta úr ári. Nánari upplýsingar eru gefnar á Skrifstofu stéttarfélaganna í síma: 464-6600.
12. febrúar 2010 - kl. 12:02
Skólastjórnendur athugið
Að venju vilja stéttarfélögin bjóða grunnskólum í Þingeyjarsýslum upp á fræðslu um markmið og tilgang stéttarfélaga. Félögin hafa í gegnum tíðina átt mjög gott samstarf við grunnskólana á félagssvæðinu og komið nokkuð reglulega í heimsóknir.
Fræðslan sem við bjóðum upp á er ætluð nemendum í 10. bekk og neðar óski skólarnir eftir því.
Ef þið hafið áhuga fyrir því að fá okkur í heimsókn í vetur eða vor, vinsamlegast hafið þá samband við Skrifstofu stéttarfélaganna þegar ykkur hentar.
6. janúar 2010 - kl. 11:02
15% afsláttur í Jarðböðin
Samkvæmt samkomulagi eiga félagsmenn stéttarfélaganna í Þingeyjarsýslum rétt á 15% afslætti fari þeir í Jarðböðin í Mývatnssveit. Áður er farið er, þurfa félagsmenn að koma við á Skrifstofu stéttarfélaganna og fá sérstök afsláttarkort. Góða skemmtun.
17. september 2009 - kl. 07:53
Íbúðir á Akureyri í boði fyrir félagsmenn
Stéttarfélögin hafa samið um aðgengi að tveimur íbúðum á Akureyri fyrir félagsmenn. Íbúðirnar eru í Hrísalundi. Nánari upplýsingar og leiguverð er á þessari slóð. http://lyngholt.is/ Þar er einnig hægt að bóka sig. Þá gefur Karen Rut Konráðsdóttir frekari upplýsingar í síma 468-1239 eða 897-5064.
2. maí 2007 - kl. 08:17
Góður afsláttur fyrir félagsmenn hjá Frumherja
Stéttarfélögin í Þingeyjarsýslum eru með samning við Frumherja um að veita félagsmönnum 15% afslátt af reglubundinni skylduskoðun ökutækja á þeirra vegum. Afslátturinn fæst gegn staðfestingu á því að þeir séu félagsmenn. Áður en að félagsmenn láta skoða sína bíla þurfa þeir að koma við á Skrifstofu stéttarfélaganna og fá vottorð um að þeir séu fullgildir félagsmenn. Þessi afsláttur gildir einnig fyrir félagsmenn í Verkalýðsfélagi Þórshafnar sem geta nálgast frekari upplýsingar á skrifstofu félagsins á Þórshöfn.
7. mars 2007 - kl. 09:42
Miðar í Hvalfjarðargöng til sölu
Stéttarfélögin hafa til sölu miða í Hvalfjarðargöngin fyrir félagsmenn. Verðið per. miða er kr. 600,-. Félagsmenn í Verkalýðsfélagi Þórshafnar fá miðana á sama verði hjá skrifstofu félagsins á Þórshöfn.