26. júlí 2010 - kl. 21:49
Salomon sigraði á hrútasýningu fjáreigenda á Húsvík
Eitt af þeim atriðum sem vekur alltaf jafn mikla athygli á Mærudögum er hrútasýning fjáreigenda á Húsavík sem tókst afar vel í ár eftir jafna keppni fallegra hrúta. Salomon sigraði en hann er í eigu Torfa Aðalsteinssonar. Sigurður Þórarinsson og Guðmundur Jónsson sem báðir eru miklir fjárræktendur dæmdu hrútana. Þá var Linda M. Baldursdóttir fenginn til að taka sérstaklega út fallegustu pungana, enda konu verk. Tveir, reyndar þrír snillingar, sem allir eru þekktir fyrir vit sitt á sauðfjárveikivörnum, heilsurækt og tannhirðu sauðfjár voru fengir til að dæma hrútana útfrá þessum þremur þáttum. Það voru þeir, Jóhannes Sigurjónsson ritstjóri Skarps, Arnar Björnsson Íþróttafréttamaður á Stöð 2 og Magnús Torfason tannlæknir. Þeir fóru allir á kostum og nálguðust fræðin frá öðru sjónarhorni en fræðimennirnir Sigurður og Guðmundur yfirdómarar. Þá voru einnig þrjár konur úr áhorfendaskaranum, þær Regína, Erla og Kristjana fengnar til að velja andlitsfallegasta hrútinn. Eins og lesa má var hrútasýningin bæði grín og alvara.
Stórbændurnir, Guðmundur Jónsson og Sigurður Þórarinsson voru yfirdómarar á hrútasýningunni í gær. Áður en keppnin hófst formlega gerðu þeir áhorfendum grein fyrir þeim helstu kostum sem góður kynbótahrútur þarf að búa yfir með því að á sýna það á saklausum manni sem þeir gripu. Hann mun hafa fengið falleinkunn.
Pungurinn skoðaður. Formaður Völsungs. Linda M. Baldursdóttir var fengin til að taka pungana út og gefa þeim stig.
Sigurvegararnir. Salomon hlaut flestu stigin í jafnri keppni. Með honum á myndinni eru eigendurnir, feðgarnir Torfi Aðalsteinsson og Gunnar Torfason.
<< til baka
Tilkynningar
24. ágúst 2010 - kl. 13:32
Vinnustaðaskírteini
Þann 15. ágúst 2010 tók gildi samkomulag ASÍ og SA um vinnustaðaskírteini og eftirlit á vinnustöðum.
Markmið samkomulagsins er að tryggja að allir atvinnurekendur og starfsmenn þeirra fari að gildandi lögum, reglugerðum og kjarasamningum.
MEIRA
1. júní 2010 - kl. 14:05
Opnunartími í sumar
Frá 1. júní verður Skrifstofa stéttarfélaganna opin frá kl. 08:00 til 16:00 alla virka daga. Þessi opnunartími gildir til 31. ágúst 2010.
19. maí 2010 - kl. 09:28
Orlofsuppbót 2010
Full orlofsuppbót árið 2010 er kr. 25.800,-
Gildir almennt fyrir félaga í Framsýn, Þingiðn og Starfsmannafélagi Húsavíkur.
Full orlofsuppbót félaga í deild verslunar- og skrifstofufólks innan Framsýnar er kr. 19.500,-
Misjafnt er á milli kjarasamninga hvenær greiða skal orlofsuppbótina og með hvaða hætti hún er reiknuð út fyrir þá sem eru í hlutastörfum eða hafa starfað hluta úr ári. Nánari upplýsingar eru gefnar á Skrifstofu stéttarfélaganna í síma: 464-6600.
12. febrúar 2010 - kl. 12:02
Skólastjórnendur athugið
Að venju vilja stéttarfélögin bjóða grunnskólum í Þingeyjarsýslum upp á fræðslu um markmið og tilgang stéttarfélaga. Félögin hafa í gegnum tíðina átt mjög gott samstarf við grunnskólana á félagssvæðinu og komið nokkuð reglulega í heimsóknir.
Fræðslan sem við bjóðum upp á er ætluð nemendum í 10. bekk og neðar óski skólarnir eftir því.
Ef þið hafið áhuga fyrir því að fá okkur í heimsókn í vetur eða vor, vinsamlegast hafið þá samband við Skrifstofu stéttarfélaganna þegar ykkur hentar.
6. janúar 2010 - kl. 11:02
15% afsláttur í Jarðböðin
Samkvæmt samkomulagi eiga félagsmenn stéttarfélaganna í Þingeyjarsýslum rétt á 15% afslætti fari þeir í Jarðböðin í Mývatnssveit. Áður er farið er, þurfa félagsmenn að koma við á Skrifstofu stéttarfélaganna og fá sérstök afsláttarkort. Góða skemmtun.
17. september 2009 - kl. 07:53
Íbúðir á Akureyri í boði fyrir félagsmenn
Stéttarfélögin hafa samið um aðgengi að tveimur íbúðum á Akureyri fyrir félagsmenn. Íbúðirnar eru í Hrísalundi. Nánari upplýsingar og leiguverð er á þessari slóð. http://lyngholt.is/ Þar er einnig hægt að bóka sig. Þá gefur Karen Rut Konráðsdóttir frekari upplýsingar í síma 468-1239 eða 897-5064.
2. maí 2007 - kl. 08:17
Góður afsláttur fyrir félagsmenn hjá Frumherja
Stéttarfélögin í Þingeyjarsýslum eru með samning við Frumherja um að veita félagsmönnum 15% afslátt af reglubundinni skylduskoðun ökutækja á þeirra vegum. Afslátturinn fæst gegn staðfestingu á því að þeir séu félagsmenn. Áður en að félagsmenn láta skoða sína bíla þurfa þeir að koma við á Skrifstofu stéttarfélaganna og fá vottorð um að þeir séu fullgildir félagsmenn. Þessi afsláttur gildir einnig fyrir félagsmenn í Verkalýðsfélagi Þórshafnar sem geta nálgast frekari upplýsingar á skrifstofu félagsins á Þórshöfn.
7. mars 2007 - kl. 09:42
Miðar í Hvalfjarðargöng til sölu
Stéttarfélögin hafa til sölu miða í Hvalfjarðargöngin fyrir félagsmenn. Verðið per. miða er kr. 600,-. Félagsmenn í Verkalýðsfélagi Þórshafnar fá miðana á sama verði hjá skrifstofu félagsins á Þórshöfn.